އިސްލާމްދީނަށާއި މުސްލިމުންނަށް ފާޅުގައި ހަޖޫޖަހަމުންގެންދާ ލާދީނީ މުޖުރިމުންނަށް ފިޔަވަޅުއެޅުމުގެ ބަދަލުގައި އިސްލާމްދީނަށްޓަކައި ޣީރަތްތެރިވެ ނުރުހުން ފާޅުކުރާ މީހުން ހާޒިރުކޮށް އެއުރެންނަށް ދުއްތުރާ ކުރުމީ ކަންބޮޑުވާންޖެހޭ ކަމެއްކަމަށް ޖަމްޢިއްޔަތުއްސަލަފުގެ ރައީސް އައްޝައިޚް ޢަބްދުﷲ ބިން މުޙައްމަދު އިބްރާހީމް ވިދާޅުވެއްޖެއެވެ.
ފަހަކަށްއައިސް ދިވެހިންގެ މަދު ބަޔަކު ފާޅުގައި އިސްލާމީ ޝަރީޢަތަށް ނިސްބަތްކޮށް އެކިއެކި ފުރައްސާރަތައް ކުރަމުންދަނިކޮށް ޝައިޚް ޢަބްދުﷲ މިއަދު ކުރެއްވި ޓްވީޓުގައި ވިދާޅުވެފައިވަނީ އިސްލާމްދީނަށް ހަޖޫޖަހާ މީހުންނަކީ މި ދީބުގައި ފިތުނަ އުފައްދާ މީހުންކަމަށެވެ.
“އިސްލާމްދީނަށާއި މުސްލިމުންނަށް ފާޅުގައި ހަޖޫޖަހާ، މި ދީބުގައި ފިތުނަ އުފައްދައި މުސްލިމުންނަށް އިންޒާރުދީ ހަދައި ލާދީނީ މުޖުރިމުންނަށް ފިޔަވަޅުއެޅުމުގެ ބަދަލުގައި ތިމާމެންގެ ދީނަށްޓަކައި ޣީރަތްތެރިވެ ނުރުހުން ފާޅުކުރާ މީހުން ހާޒިރުކޮށް އެއުރެންނަށް ދުއްތުރާ ކުރުމީ ކަންބޮޑުވާންޖެހޭ ކަމެއް” ޝައިޚް ޢަބްދުﷲ ގެ ޓްވީޓުގައި ވެއެވެ.
Islām dheenasāi muslimunnah fālhugai hajoo jahā mi dheebugai Fithna ufaddhai muslimunnah inzāru dhee hadhā Laadheenee mujrimunnah fiyawalhu elhumuge badhalugai;Thimāmenge Dheenattakai gheeraitheriwe nuruhun fālhukurā meehun hāziru koh eurenah Thurā kurumi kanboduwān jehey kameh!
— Abdullah bin janaab (@binjanaab) January 14, 2019