ޖަމްޢިއްޔަތުއްސަލަފުގެ ފަރާތުން ފުރުޤާން މިސްކިތުގައި މިއަދުންފެށިގެން ޚާއްޞަ ދަރުސްތަކެއް ކުރިއަށްގެންދާގޮތަށް ހަމަޖައްސައިފިއެވެ.
މިއަދު ޢަޞްރު ނަމާދަށް ފަހު ފެށޭ މި ދަރުސްތަކަކީ ޝައްވާލު މަހުގެ 2 ވަނަ ދުވަހުން ފެށިގެން މިމަހުގެ 7 ވަނަ ދުވަހާއި ހަމައަށް ކުރިއަށްގެންދާނެ ދަރުސްތަކެކެވެ.
ޝައްވާލު މަހުގެ 6 ރޯދަ ހިފަމުންދާ ދުވަސްތަކުގައި ކުރިއަށްދާ މި ދަރުސްތައް ދެމުންގެންދާނީ އައްޝައިޚް އަޙްމަދު ސަމީރު އެވެ. ޒަކާތާއި ގުޅޭ މައުޟޫއުގައި އަލިއަޅުވާލުމަށް ހަމަޖެހިފައިވާ މިދަރުސްތައްވެސް ކުރިއަށްދާނީ ބައިގަޑިއިރެއްހާ މިންވަރަކަށެވެ.